بەپێی هەواڵی کوردپرێس، ئەمڕۆ سێشەممە 8ـى ئاداری 2022، دادگەى باڵاى فیدراڵیی عێراق لە راگەیێندراوێکدا گوتی، دانیشتنى تایبەتى دادگەی لەبارەى سکاڵایەک دواخستووە کە تایبەت بووە بە گەڕاندنەوەى نرخى دۆلارى ئەمریکى بۆ بەهاى پێشوی کە نزیکەی 120 هەزار دینار بووە بەرانبەر بە 100 دۆلار.

دادگاکە ئاماژەى بەوەداوە کە ئەو دواخستنە بۆ ئەوەیە هەریەک لە عەلى عەللاوى، وەزیرى دارایی وڵات و مستەفا غالب، پارێزگاری بانکى ناوەندیى وڵات لە دانیشتنى داهاتووى دادگەدا ئامادەبن کە بڕیاردرا لە 14ـى ئادار ئەنجامبدرێت.