بەپێی هەواڵی کوردپرێس، سەرچاوە خۆجێییەکان لە عەفرین ڕایدەگەیێنن، تورکیا خەریکە بە دەوری عەفریندا دیوار دەکێشێت، دیوارەکە لە قەڵا سمانی عەفرینەوە دەست پێدەکات تا سەر سنووری ئیدلیب و ناوچەکانی براد، کیمار، بەسلە، جیلبیرە و مێرمین دەگرێتەوە. هەروەها ئەم دیوارە لە ناوچەی «کیلجبرین» تا ئەعزاز کێشراوە و دەوران دەوری عەفرینی داوەتەوە.

سەرچاوە خۆجێییەکان ڕاشیدەگەیێنن هێزەکانی سوپای تورکیا و سوپای ئازادی سووریا تا ئێستا لە مێرمین 500 مەتر، جیلبیرە 400 مەتر و لە کیمار 100 مەتری دیواریان دروست کردووە.

شایانی باسە پڕۆژەی دیوار دروست کردن لەسەر سنوورەکانی تورکیا و سووریا لەلایەن تورکیاوە لە ساڵی 2015 دەستی پێکردووە و تورکیا تا ئێستا 711 کیلۆمەتر دیواری لە سنوورە هاوبەشەکاندا دروست کردووە.

کۆدی هەواڵنێر: 60113