به‌پێی هه‌واڵی کوردپرێس، ڕۆژی یه‌کشه‌ممه‌ 21ی نیسانی 2019 که‌ماڵ قلیچدارئۆغڵۆ سه‌رۆکی پارتی کۆماریخوازی گه‌ل (CHP) به‌ مه‌به‌ستی به‌شداری كردن له‌ پرسه‌ی سه‌ربازێکی تورکیا كه‌ له‌ میانه‌ی پێكدادان له‌گه‌ڵ هێزه‌کانی په‌كه‌كه‌ له‌سه‌ر سنووری توركیا- عێراق گیانی له‌ده‌ستدابوو سه‌ردانی شارۆچکه‌ی چوبوكی سه‌ر به‌ پارێزگای ئه‌نقه‌ره‌ی كرد که‌ له‌لایه‌ن گرووپێكه‌وه‌ پرۆتێستۆ كرا و ڕووبه‌ڕووی هێرش بووه‌وه‌ و هاوپه‌یوه‌ند به‌و بابه‌ته‌ 9 گومانلێکراو ده‌ستگیر کران که‌ جگه‌ له‌ عوسمان ساری گون ئه‌نجامده‌ری سه‌ره‌کیی هێرشه‌که‌ 8 که‌سیان به‌ که‌فاله‌ت ئازاد کران.

ئه‌و 8 که‌سه‌ له‌ حاڵێکدا به‌ که‌فاله‌ت و مه‌رجی نه‌چوونه‌ده‌ره‌وه‌ له‌ وڵات ئازاد ده‌کرێن که‌ عوسمان ساری گون ئه‌نجامده‌ری سه‌ره‌کیی په‌لاماردانی سه‌رۆکی ئۆپۆزیسیۆنی تورکیا -که‌ مستی له‌ ده‌موچاوی قلیچدارئۆغڵۆ دابوو- له‌سه‌ر فه‌رمانی دادستێن ڕه‌وانه‌ی زیندان کرا.

زانیارییه‌کان باس له‌ به‌رده‌وامیی لێکۆڵینه‌وه‌کان له‌سه‌ر دۆسیه‌که‌ ده‌کات.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103