بەپێی هەواڵی کوردپرێس سەرۆکی دەزگای ئاسایش و هەواڵگری لە پارێزگای کوردستان لە پرێس کونفڕانسێکدا بە هەواڵنێرانی ڕاگەیاند ساڵی پار 100 کەسی تۆمەتبار دەستبەسەر کراون کە پێوەندییان لەگەڵ 20 گرووپی تەکفیری و تیمەکانی سەر بە نەیارانی ئێران هەبووە.

ناوبراو زیادی کرد: هەر لەو هەڵمەتانەی ساڵی ڕابردوودا 5 تیمی سەر بە گرووپە نەیارەکانی کۆماری ئیسلامیی ئێران دەستبەسەر کراون و بە هاوکاریی هاووڵاتییان لە ساڵی ڕابردوودا توانیمان ڕێگری لە پێوەندی کردنی دەیان گەنجی پارێزگای کوردستان بەو گرووپە نەیارانەوە بکەین.

سەرۆکی دەزگای ئاسایش و هەواڵگری لە پارێزگای کوردستان ڕوونیشی کردەوە: پاش دەستبەسەر کرانی چەند کەسێک دەرکەوت کە ئەو کەسانە پێوەندییان بە پژاکەوە هەیە کە گرووپێکی نەیاری کۆماری ئیسلامیی ئێرانە و شۆفیری ئوتومبیلێکی ئیسعافیان ناوەندی فریاکەوتنیان شەهید کردبوو.