کوردپرێس:
ڕه‌شاد گه‌ڵاڵی لێپرسراوی كۆمیته‌ی مه‌خمووری یه‌كێتیی نیشتیمانیی كوردستان به SNNی ڕاگه‌یاند: "له ئێستادا چیای قه‌ره‌چوغ یه‌كێكه له مۆڵگه به‌هێزه‌كانی داعش به‌هۆی ئه‌وه‌ی له ڕووی جیۆپۆلۆتیكه‌وه گرنگییێكی زۆری هه‌یه".
به‌رپرسه‌كه‌ی یه‌كێتی ئاشكراشی كرد: "مه‌خموور بۆ خۆی هه‌ر چوار پارێزگای هه‌ولێر، سه‌ڵاحه‌دین، مووسڵ و كه‌ركووک پێكه‌وه ده‌به‌ستێته‌وه هه‌ر بۆیه مه‌ترسی ئه‌وه هه‌یه له چیای قه‌ره‌چوغه‌وه داعش دزه بكاته سه‌ر ئه‌و شارانه و له چیای قه‌ره‌چوغه‌وه هیچ مه‌ترسیێكیان له‌سه‌ر نییه و شوێنێكی ئارامه بۆ داعش و زۆر جار ده‌كرێت بیكه‌نه شوێنی بڕیاردانیش".
ڕه‌شاد گه‌ڵاڵی ئاماژه‌ی به‌وه‌ش كرد: "ئه‌و چیایه ئاسانكاری زۆری بۆ كردوون، گومان له‌وه‌دا نییه كه زۆر نزیكه له نه‌ینه‌واوه كه‌واته ده‌توانن بۆ كرده‌وه‌كانیان به شێوه‌ی پارتیزانی به‌كاری بێنن".
به‌رپرسه‌که‌ی یه‌کێتی ڕوونیشی کرده‌وه: "هاوپه‌یمانێتیی نێوده‌وڵه‌تی ئاگاداره كه ئاسانكاری بۆ داعش له قه‌ره‌چوغ ده‌كرێت".
کۆدی هه‌واڵنێر: 60103
Your Comment