کوردپرێس: واشنتۆن پۆست لەراپۆرتێكیدا باسی لەوەكردووە، بوونی ئەمریكا لەلایەن عێراقیەكانەوە رەت دەكرێتەوە، لە دیارترینیشیان حەشدی شەعبی-یە، ئەو هێزە و هاوپەیمانەكانی لە پەرلەمانی عێراقدا ئیدارەی ترامپ بەوە وەسف دەكەن، كە پشتگیری رێكخراوی داعش دەكات.
هەروەها باسی لەوەكردووە، سەركردەكانی هاوپەیمانی فەتح هەوڵی ئەوە دەدەن یاسای دەركردنی هێزەكانی ئەمریكا لە پەرلەمان تێپەڕێنن بەتایبەتی كاتێک دۆناڵد ترامپ لە سووریا كشایەوە و پێنج هەزار سەربازی لە عێراقدا هێشتەوە، هەروەها بەهۆی لێدوانەكانی تایبەت بە ئەركی هێزەكانی ئەمریكا لە عێراق، كە وتی بۆ چاودێری كردنی ئێرانە، زیاتر عێراقییەكانی تووڕە كرد و ئێستا كۆكن لەسەر دەركردنی ئەو هێزانە.
واشنتۆن پۆست روونیشی كردوەتەوە، رەخنە بەردەوامەكانی سیاسییەكانی عێراق لە هێزەكانی ئەمریكا حكوومەتی ئەو وڵاتەی ناچار كرد هەڵوێستی خۆی رابگەیێنێت و داوا بكات هەر بۆردوومانێک لەلایەن هێزەكانی هاوپەیمانانەوە دەبێت دوای وەرگرتنی رەزامەندی بەغدا ئەنجام بدرێت.
کۆدی هەواڵنێر: 60113
Your Comment