به‌پێی هه‌واڵی کوردپرێس، ئێواره‌ی ڕۆژی دووشه‌ممه 8ی نیسانی 2019 دۆناڵد تره‌مپ سه‌رۆک کۆماری ئه‌مریکا بڕیاری دا سوپای پاسدارانی ئێران بخاته ناو لیستی تیرۆره‌وه و دوای بڕیاره‌که‌ی ئه‌مریکا ئه‌نجومه‌نی ئاسایشی نه‌ته‌وه‌ییی ئێران له به‌یاننامه‌یێکدا له‌سه‌ر بڕیاره‌که‌ی ئه‌مریکا هاته ده‌نگ و ئه‌و کاره نه‌زانکارانه‌ی ویلایه‌ته یه‌کگرتووه‌کانی ئه‌مریکای به کارێکی نایاسایی و مه‌ترسیدار وه‌سف کرد و باسی له‌وه کرد: بڕیاره بێ‌بنه‌ماکه‌ی ئه‌مریکا هه‌ڕه‌شه‌یێکی گه‌وره‌یه بۆ سه‌ر ئاسایشی هه‌رێمی و ده‌ولی و پێشێل‌کردنی ئاشکرای یاسا و مانیفێسته نێوده‌وڵه‌تییه‌کانه.
ئه‌نجومه‌نی ئاسایشی نه‌ته‌وه‌ییی ئێران له به‌یاننامه‌که‌یدا ڕای‌گه‌یاندووه: سوپای پاسداران پێچه‌وانه‌ی ئه‌مریکا و هاوپه‌یمانه هه‌رێمییه‌کانی که به‌رده‌وام پاڵپشتییان له گرووپه توندڕه‌و و تیرۆریسته‌کان له ڕۆژئاوای ئاسیا کردووه هه‌میشه بۆ به‌ره‌نگاربوونه‌وه‌ی تیرۆریزم و توندئاژۆیی له ناوچه‌که پێشه‌نگ بوووه و به‌ره‌نگاری ئه‌لقاعیده، داعش، نوسره و دیکه‌ی گرووپه تیرۆریستییه‌کان له ناوچه‌که بۆته‌وه و پشتیوانی له خه‌ڵک و ده‌وڵه‌ته خه‌سارلێدراوه‌کان کردووه که کاره‌کانیان شایانی ستایش‌کردنه.
له به‌یاننامه‌که‌ی ئه‌نجومه‌نی ئاسایشی نه‌ته‌وه‌ییی ئێراندا ده‌وڵه‌تی ئه‌مریکا به "پاڵپشتی تیرۆریزم" و فه‌رمانده‌ییی ناوه‌ندیی ئه‌مریکا ناسراو به سه‌نتکام و تێکڕای هێزه‌کانی سه‌ر به‌و فه‌رمانده‌یییه به "گرووپی تیرۆریستی" ناسێندراون و تێیدا هاتوووه: فه‌رمانده‌ییی ناوه‌ندیی ئه‌مریکا ناسراو به سه‌نتکام سیاسه‌ته تیرۆریستییه‌کانی ده‌وڵه‌تی ئه‌مریکا دژی ڕۆژئاوای ئاسیا جێبه‌جێ ده‌کات که بۆ سه‌پاندنی سیاسه‌ته دوژمنکارانه‌کانی ئه‌مریکا خه‌ڵکی بێ‌گوناح و ئاسایشی نه‌ته‌وه‌ییی کۆماری ئیسلامیی ئێرانی خستۆته مه‌ترسییه‌وه که ژماره‌یێک له‌و سیاسه‌تانه بریتییه له؛ هێرشی دڕاندنه و به‌ئه‌نقه‌ست بۆ سه‌ر فڕۆکه‌ی موسافیرهه‌ڵگری ئێران له ساڵی 1367، به‌شداری له کوشتنی خه‌ڵکی یه‌مه‌ن و دیکه‌ی هاووڵاتییانی سڤیل له ڕۆژئاوای ئاسیا.
کۆدی هه‌واڵنێر: 60103
Your Comment