بەپێی هەواڵی کوردپرێس، له‌ڕاگه‌یه‌نراوێكدا وه‌زاره‌تى پێشمه‌رگه‌ ئاشكرایكردوه‌، ئەمڕۆ لەسنووری گەرمەسێر پێنچ لە پێشمەرگەکانی فەوجی 3ی لیوای 19ى پیادە، لەکاتی گەڕانەوەیان لەدەوامی فەرمی، تووشی ڕووداوی هاتووچۆ بوون.

ئه‌وه‌ش هاتووه‌، بەداخ‌ و کەسەرێکی زۆرەوە، یەکێک لەپێشمەرگەکان بەناوی عەلی عەبدوڵا ئەحمەد گیانی لەدەستدا و چوار پێشمەرگەکەی تریش بریندار بوون.

باس له‌وه‌ش كراوه‌ له‌ئێستادا بریندارەکان لە نەخۆشخانەی شار له‌سلێمانى لەژێر چاودێریی پزیشکدان‌ و چارەسەردەکرێن.