بەپێی هەواڵی کوردپرێس، عوده‌ى عه‌واد ئه‌ندامى لیژنه‌ى نه‌وت و وزه‌ى په‌رله‌مانى عێراق بە سوومریە نیووزی ڕاگەیاندووە گرنگترین كارى په‌رله‌مانتارى چاودێری كردن و ئاشكراكردنى گه‌نده‌ڵییه له‌سه‌رجه‌م ناوه‌نده‌كانى ده‌وڵه‌تدا، هه‌روه‌ک به‌ڵێنیان دابوو بۆ ئاشكراكردنیان و راپێچ كردنیان به دادگا، له‌و چوارچێوه‌یه‌شدا توانیویانه 172 پاڵاوگه‌ى نایاسایى دابخه‌ن.
ناوبراو وتیشى "ئه‌و پاڵاوگایانه له باكوورى عێراق داخراون و هه‌نگاوى یه‌كه‌مى سه‌ركه‌وتنه‌كانمانه به‌سه‌ر گه‌نده‌ڵى و گه‌نده‌ڵكاراندا، ئه‌وه‌ش دواى ئه‌وه‌بوو دزینى نه‌وتى باكوورمان ئاشكرا كرد و به‌رهه‌مى ئه‌و پاڵاوگانه له‌گه‌لأ كوالیتى عێراقیدا نه‌ده‌گونجان".
ئه‌ندامه‌كه‌ى لیژنه‌ى نه‌وت و وزه روونیشی كردوه‌ته‌وه، ئه‌و گرێبه‌ستانه‌ى له‌چوارچێوه‌ى گه‌نده‌ڵییه‌كاندا بوون ئاشكرایان كردوون و هه‌وڵ و گه‌ڕانه‌كانیش بۆ ئاشكرا كردنى گه‌نده‌ڵكاران به‌رده‌وامه و له‌سه‌ره‌تادایه.
کۆدی هەواڵنێر: 60113
Your Comment