بەپێی هەواڵی کوردپرێس کاتژمێر 15:35 خولەکی ئەمڕۆ سێشەمە 21ی ڕەشەمە (12ی ئاداری 2019) بوومەلەرزەیێک بە گوڕی 3.9 بە پێی پلەی ڕیختەر لە ناوچەی سەرپێڵ زەهاو و گێڵانغەربی پارێزگای کرماشان ڕووی دا.

چەقی بوومەلەرزەکە لە قووڵاییی 8 کیلۆمەتریی زەوی و لە مەودای 33 کیلۆمەتریی قەسر شیرین و 37 کیلۆمەتریی سەرپێڵ زەهاو و 31 کیلۆمەتریی گێڵانغەرب بووە.

شایانی باسە بوومەلەرزەکە لە پارێزگای ئیلامیش هەستی پێکراوە.

لە ماوەی دوو ساڵی ڕابردوودا زیاتر لە 5 هەزار بوومەلەرزە و پاش لەرزە لە ناوچەی سەرپێڵ زەهاوی کرماشان ڕووی داوە و بەهێزترینیان 21ی سەرماوەزی 1396 بوو کە گوڕەکەی 7.3 بە پێی پلەی ڕیختەر تۆمار کرا و چەقی بوومەلەرزەکە گوندی ئەزگڵەی سەرپێڵزەهاوی سەر بە پارێزگای کرماشان بوو و بەو هۆیەشەوە زیاتر لە 1000 هاووڵاتیی کورد گیانیان لە دەست دا و چەندین هەزار خانوو و بینای ڕووخاوی لێ بەجێما.