به‌پێی هه‌واڵی کوردپرێس، ڕۆژی شه‌ممه 11ی ڕه‌شه‌مه کۆڵبه‌رێکی کورد به ناوی "سه‌ید واحد به‌رزه‌نجی" ته‌مه‌ن 30 ساڵی خه‌ڵکی پیرانشار که ژن و دوو منداڵیشی هه‌یه له مه‌رزی حاجی ئۆمه‌ران که‌وته به‌ر گوله و گیانی له‌ده‌ستدا.
هه‌ر له‌وباره‌وه ڕه‌سووڵ خزری نوێنه‌ری سه‌رده‌شت و پیرانشار له په‌رله‌مانی ئێران له نووسراوێکدا داوای له وه‌زیری ناوخۆ کردوووه که ئه‌وانه‌ی بوونه‌هۆی گیانله‌ده‌ستدانی سه‌ید واحید به‌رزه‌نجی به‌ره‌وڕووی یاسا بکرێنه‌وه.
ناوبراو گوتیشی: پێویسته کاره‌ساتێکی وا له ناوچه‌که دووپات نه‌کرێته‌وه چوونکه نیگه‌رانی و ناڕه‌زاییی خه‌ڵکی لێده‌که‌وێته‌وه.
ڕۆژێک پاش ئه‌وه ڕووداوه واتا له ڕۆژی 12ی ڕه‌شه‌مه له ناوچه‌ی سنووریی پیرانشار و ورمێ ته‌قه له گرووپێک له کۆڵبه‌ران کرا و له ئه‌نجامدا دوو کۆڵبه‌ر به ناوه‌کانی "محه‌مه‌د شمایلی" ته‌مه‌ن 29 ساڵ له ناوچه‌ی سنووریی ترگوری سه‌ر به ورمێ و "شه‌فیع سه‌مه‌دی" ته‌مه‌ن 26 ساڵه به سه‌ختی بریندار و ڕه‌وانه‌ی نه‌خۆشخانه کران.
شایانی باسه؛ له سه‌ره‌تای ده‌ستپێکردنی وه‌رزی زستانی ئه‌مساڵه‌وه تاکوو ئێستا 60 کۆڵبه‌ر به بۆنه‌ی به‌رکه‌وتنی گوله، ڕق‌بوونه‌وه و هه‌ره‌سی به‌فر، داکه‌وتن، ته‌قینه‌وه‌ی مین، خنکان له ناو ئاو و... کوژراو یان بریندار بوونه.
کۆدی هه‌واڵنێر: 60103
Your Comment