به‌پێی هه‌واڵی کوردپرێس، ئه‌مرۆ دووشه‌ممه (4ی ئازاری ٢٠١٩) هاوپه‌یمانێتیی ئیسڵاح و بنیاتنانی کاردانه‌وه‌ی به ده‌ستگیرکردنی شاسوار عه‌بدولواحید سه‌رۆکى جووڵانه‌وه‌ى نه‌وه‌ى نوێ و سه‌رکرده‌یێکی ئه‌و هاوپه‌یمانێتییه پیشان دا و له به‌یاننامه‌یێکدا ڕایگه‌یاند: هاوپه‌یمانێتی ئیسڵاح و بنیاتنان ڕێزی خۆی بۆ ڕێكاره یاسایی و ده‌ستوورییه‌كان ڕاده‌گه‌یێنێت به‌ڵام به سه‌رسوڕمانی زۆره‌وه ده‌ڕوانێته ده‌ستگیركردنی شاسوار عه‌بدولواحید سه‌رکرده‌یێکی ئه‌م هاوپه‌یمانێتییه و سه‌رۆكی جووڵانه‌وه‌ی نه‌وه‌ی نوێ و کۆمه‌ڵێک له ئه‌ندامان و به‌رپرسانی ئه‌و جووڵانه‌وه‌یه.
له به‌یاننامه‌که‌دا ئاماژه به‌وه‌ش کراوه که هاوپه‌یمانێتییه‌كه‌یان بڕوای وایه ئازادی ڕاده‌ربڕین مافێكه له مافه‌كانی هاووڵاتی بوون كه ده‌ستووری عێراق ده‌سته‌به‌ری كردوووه و بیروڕاش هه‌رچه‌نده جیاواز بێت نابێت سه‌ركوت بكرێت ماده‌م له چوار‌چێوه‌ی یاسادا بێت و مه‌به‌ست کردنه‌ئامانجی كه‌سه‌كان نییه به‌ڵكوو هه‌ڵسه‌نگاندنی سیاسی و حكومڕانی بێت چوونکه ئۆپۆزیسیۆن بوونی سیاسی مافێكی ده‌سته‌به‌ره و باڵێكی دیموكراسییه و به بێ ئه‌وه حكوومه‌ته‌كان پێش ناكه‌ون و په‌ره ناسێنن.
هاوپه‌یمانێتی ئیسڵاح و بنیاتنان جه‌ختی کرده‌وه که ئه‌وان داوای ئازادكردنی شاسوار عه‌بدولواحید سه‌ركرده له هاوپه‌یمانێتییه‌که‌یان و سه‌رجه‌م گیراوه‌كان ده‌كه‌ن كه له‌گه‌ڵیدا گیراون.
سه‌رچاوه: به‌غداد ئه‌لیه‌وم
کۆدی هه‌واڵنێر: 60103
Your Comment