به‌پێی هه‌واڵی کوردپرێس، فاتح یه‌ڵدز باڵێوزی توركیا له عێراق له لێدوانێکی ڕۆژنامه‌وانیدا واده‌ی سه‌ردانی سه‌رکۆماری تورکیا بۆ عێراقی ئاشكرا کرد و ڕای‌گه‌یاند: "ئه‌ردۆغان له دوای هه‌ڵبژاردنی شاره‌وانییه‌كانی توركیا كه بڕیاره له‌م مانگه‌دا ساز بكرێت، سه‌ردانی عێراق ده‌كات و ئاماژه به خواستی وڵاته‌كه‌ی ده‌كات بۆ پته‌وكردنی هه‌ماهه‌نگییه‌كان له‌گه‌ڵ به‌غدا له هه‌موو بواره‌كان."
ناوبراو گوتیشی: "سه‌ردانى به‌رهه‌م ساڵح سه‌رۆک كۆمارى عیراق بۆ توركیا زۆر گرنگ بوووه، كار له‌سه‌ر ئه‌نجامه‌كانى و هێڵه سه‌ره‌كییه‌كانی ده‌كه‌ن بۆ هاریكاری كردن له شه‌ڕى دژى تیرۆر و بنیادنانه‌وه‌ى عیراق و دۆسێی ئاو."
باڵێوزی توركیا له عێراق گوتیشی: "پلانه‌كه‌مان چۆنیه‌تیی گه‌شه‌پێدان و ئاوه‌دانكردنه‌وه‌ی عێراقه چوونكه كه‌موكوڕییێكی گه‌وره هه‌یه له ژێرخانه‌كان و له كۆنگره‌ی كوه‌یتيش بۆ ئاوه‌دانكردنه‌وه‌ی عێراق هه‌ڵوه‌سته‌مان له‌سه‌ر كرد و 5 ملیار دۆلارمان پێشكه‌ش كرد و له‌و باره‌شه‌وه گفتوگۆمان له‌گه‌ڵ لایه‌نی عێراقی كرد."
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment