به‌پێی هه‌واڵی کوردپرێس، نووسینگه‌ی ڕاگه‌یاندنی فالح فه‌یاز ڕاوێژکاری ئاسایشی نیشتیمانیی عێراق له به‌یاننامه‌یێکدا باسی له‌وه کرد که ناوبراو ڕۆژی چوارشه‌ممه 27ی شوباتی 2019 گه‌یشته مۆسکۆ پێته‌ختی ڕووسیا.
له به‌یاننامه‌که‌دا هاتوووه که فه‌یاز له سه‌ردانه‌که‌یدا بۆ مۆسکۆ له‌گه‌ڵ نیکولای پاترۆشف ڕاوێژکاری ئاسایشی نیشتیمانیی ڕووسیا، میخائیل بۆگدانۆف جێگری وه‌زیری ده‌ره‌وه و نێردراوی تایبه‌تی سه‌رۆک کۆماری ئه‌و وڵاته بۆ ڕۆژهه‌ڵاتی ناڤین و ئه‌لێکساندر فۆمین جێگری وه‌زیری به‌رگریی ڕووسیا کۆ بووه‌وه.
نووسینگه‌ی ڕاوێژکاری ئاسایشی نیشتیمانیی عێراق جه‌ختی کردۆته‌وه که له دیداری فالح فه‌یاز له‌گه‌ڵ به‌رپرسانی ڕووسیا په‌یوه‌ندییه‌کانی نێوان دوو وڵات و ئاسۆی هاوکارییه هاوبه‌شه‌کان، هه‌وڵی نێوده‌وڵه‌تی له به‌ره‌نگاربوونه‌وه‌ی تیرۆریزم و پاشهاته‌ی ڕووداوه‌کانی سووریا و کاریگه‌رییه‌که‌ی له‌سه‌ر ئاسایش و سه‌قامگیریی عێراق و ناوچه‌که خرایه به‌ر باس و لێکدانه‌وه.
سه‌رچاوه: سۆمه‌ریه نیووز
کۆدی هه‌واڵنێر: 60103
Your Comment