به‌پێی هه‌واڵی کوردپرێس، ڕۆژی شه‌ممه 16ی شوباتی 2019 له ڕێوڕه‌سمێكدا به ئاماده‌بوونی بنه‌ماڵه‌ی شه‌هیدان، محه‌مه‌د عه‌بدوڵڵا هاوسه‌رۆكی ته‌ڤگه‌ری ئازادی و ژماره‌یێک له ئه‌ندامانیان باره‌گای ته‌ڤگه‌ری ئازادیی کۆمه‌ڵگه‌ی کوردستان له شارۆچکه‌ی خانه‌قینی سه‌ر به پارێزگای دیاله کرایه‌وه.
كه‌نعان حاته‌م به‌رپرسی ڕێكخستنه‌كانی ته‌ڤگه‌ری ئازادی له خانه‌قین ده‌ڵێت: به فه‌رمی باره‌گای ته‌ڤگه‌ری ئازادی كرایه‌وه بۆ ئه‌وه‌ش سه‌رجه‌م ڕێكاره یاسایییه‌كانمان به‌جێهێناوه. ئومێده‌وارین كردنه‌وه‌ی ئه‌م باره‌گایه به‌پێی خواست و گرنگیی خانه‌قین بێت و بتوانین له ڕێگای ئه‌م باره‌گایه‌وه خزمه‌تی شارۆچكه‌ی خانه‌قین بكه‌ین.
محه‌مه‌د عه‌بدوڵڵا هاوسه‌رۆكی گشتیی ته‌ڤگه‌ری ئازادی وتی: پیرۆزبایی له خه‌ڵكی خانه‌قین و كادر و ئه‌ندامانی ته‌ڤگه‌ری ئازاد ده‌كه‌م. كردنه‌وه‌ی باره‌گای ته‌ڤگه‌ری ئازادی له خانه‌قین ده‌ست پێكردنی ئه‌و تێكۆشانه‌یه كه له‌سه‌ر هێڵی نه‌ته‌وه‌ی دیموكرات و پشتبه‌ستوووه به هزر و بیری عه‌بدوڵڵا ئۆجالان.
کۆدی هه‌واڵنێر: 60103
Your Comment