به‌پێی هه‌واڵی کوردپرێس، سه‌عدی ئه‌حمه‌د پیره وته‌بێژی مه‌کته‌بی سیاسیی یه‌کێتیی ڕای‌گه‌یاندوووه: ڕێککه‌وتنه‌که بۆ قۆناغی ئێستای ھه‌رێم گرنگه چوونکه پێناسه‌ى شه‌راکه‌تى ڕاسته‌قینه‌ى نێوان پارتى و یه‌کێتى ده‌کات له پرۆسه‌ى حوکمڕانیدا.
ناوبراو ئاماژه‌ى به‌وه‌ش کرد: ڕێککه‌وتنه‌که له به‌رامبه‌ر گۆڕانکارییه‌کان گره‌نتیان پێده‌دات که پارتی و یه‌کێتی یه‌ک جۆر هه‌ڵوێستیان هه‌بێت به‌رامبه‌ر وڵاتانى ده‌وروبه‌ر و بۆ ئه‌و گۆڕانکارى و پێشهاتانه‌ى که دێنه پێش.
شایانی باسه؛ له کۆبوونه‌وه‌که‌ى 5ی ئه‌م مانگه‌ى نێوان پارتى و یه‌کێتیدا لیژنه‌یێکى حه‌وت که‌سى بۆ نووسینه‌وه‌ى ڕێککه‌وتنێکى سیاسیی نوێ له نێوان ئه‌م دوو حزبه‌دا پێکهێنرا و به وته‌ى به‌رپرسانى ئه‌و دوو حزبه ڕێککه‌وتنه‌که ڕه‌نگدانه‌وه‌ى ده‌بێت له‌سه‌ر سێكته‌ره‌كانی دارایی و ئابووری و بازرگانی و نه‌وت و وزه و پێشمه‌رگه و په‌يوه‌ندييه ديپلۆماسی و نێوده‌وڵه‌تييه‌كان، له‌گه‌ڵ پرسه‌کانى مامه‌ڵه‌كردن له‌گه‌ڵ به‌غدا و په‌يوه‌ندييه ناوخۆيیه‌کان.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment