بەپێی هەواڵی کوردپرێس، هۆشیار زێباری لە وتارێکدا کە لە ڕۆژنامەی "الشرق الأوسط" بڵاویکردووەتەوە دەڵێت: "ئەو بڕیارە مێژوویەی دادگای فیدڕاڵی مانای ئەوەیە کە هاوڵاتی تاوانبارە تەنانەت ئەگەر بێتاوانیشی سەلمێنرابێت، هەروەها ئەوەشی سەلماند کە ئەو بڕیارە سیاسیانەی کە دەسەڵاتی دادوەری و لێکۆڵینەوەکان بە هەڵە سەلماندویانە، بەسە بۆ بێبەشکردنی هاوڵاتی لە بەکارهێنانی مافە سیاسییەکانی".

هۆشیار زێباری باسی لەوەشکردووە کە کارکردنی دادگای فیدڕاڵی بە دەقەکانی دەستوور تەنها بۆ فریودانی ناوخۆ و دووڕوویی نێودەوڵەتییە، بۆیە چیتر کەسێکی ستەملێکراو و مافخورا و ناتوانێت حەقی خۆی وەربگرێتەوە.

ناوبراو دەشڵێت: "ئەوە حاشاهەڵنەگرە کە بڕیاری پەرلەمانی عێراق بۆ سەندنەوەی متمانە لێم بڕیارێکی سیاسی بوو، بەو بەڵگەیەی کە دەستەی دەستپاکی سەرجەم من بێتاوان دەرکرد لە سەرجەم ئەو تۆمەتانەی درابوونە پاڵم".