به‌پێی هه‌واڵی کوردپرێس، ئه‌مڕۆ یه‌کشه‌ممه 10ی شوباتی 2019 به‌ڕێوه‌به‌رایه‌تی ئاسایشی گشتیی توركیا ئاماژه‌ی به‌وه کرد که تیمه‌کانی ھۆبه‌ی به‌ره‌نگاربوونه‌وه‌ی تیرۆری سه‌ر به به‌ڕێوه‌به‌رایه‌تی پۆلیسی ئه‌سته‌نبۆڵ له ڕۆژی 9ی شوبات به مه‌به‌ستی ده‌ستگیرکردنی ئه‌و که‌سانه‌ی که په‌یوه‌ندییان به داعشه‌وه ھه‌یه، ئۆپه‌راسیۆنێکی ھاوبه‌شی بۆ سه‌ر حه‌وت ناونیشان له شاری ئه‌سته‌نبۆڵ ئه‌نجام داوه.
ھه‌ر له ئۆپه‌راسیۆنه‌که‌دا شه‌ش که‌س ده‌ستگیر کران که یه‌کێکیان ھاوسه‌ری فه‌رمانده‌ی شیشانی ئیسلام جانیبێکۆڤه که له تورکیا به ده‌ستی هێزه ئه‌منییه‌كانه‌وه کوژرابوو.
له دوای ڕێکاره‌کانی یاسایی له به‌ڕێوه‌به‌رایه‌تی پۆلیس گومانلێکراوان ڕاده‌ستی به‌ڕێوه‌به‌رایه‌تی کۆچ کران و ھاوسه‌ری ئه‌و فه‌رمانده‌یه‌ش ئازاد کرا.
سه‌رچاوه: ڕووداو
کۆدی هه‌واڵنێر: 60103
Your Comment