به‌پێی هه‌واڵی کوردپرێس، محه‌مه‌د به‌لداوی به هه‌واڵده‌ریی مه‌علوومه‌ی وتوووه: عادل عه‌بدولمه‌هدی سه‌رۆک وه‌زیرانی عێراق دژ به ئاماده‌بوونی هێزه‌کانی ئه‌مریکا له خاکی عێراقه و هه‌وڵه‌کانی بۆ ده‌رکردنی ئه‌و هێزانه له عێراق چڕ کردۆته‌وه.
ناوبراو گوتیشی: عه‌بدولمه‌هدی تێده‌کۆشێت که به‌پێی ڕێککه‌وتننامه‌ی ستراتێژیی واژۆکراوی نێوان به‌غدا- واشنتۆن ته‌نها ڕاوێژکارانی سه‌ربازیی ئه‌مریکا له عێراق بمێننه‌وه.
به‌لداوی له‌باره‌ی بێده‌نگیی عه‌بدولمه‌هدی هه‌مبه‌ر لێدوانی دۆناڵد تره‌مپ سه‌رۆک کۆماری ئه‌مریکا گوتیشی: سه‌رۆک وه‌زیرانی عێراق ده‌ترسێت که ته‌نگه‌ژه له په‌یوه‌ندییه‌کانی نێوان به‌غدا- واشنتۆن دروست بێت هه‌ر بۆیه له هه‌ڵوێست نواندن له به‌رانبه‌ر ئه‌مریکا دووره‌په‌رێزی ده‌کات.
ناوبراو جه‌ختی کرده‌وه: له ماوه‌ی چه‌ند ڕۆژی داهاتوودا ده‌وڵه‌تی فیدڕاڵ له ڕێگای یاسایی و دیپلۆماسییه‌وه هه‌وڵه‌کانی بۆ که‌م کردنه‌وه‌ی ژماره‌ی هێزه‌کانی ئه‌مریکا و کۆتایی هێنان به ئاماده‌بوونی ئه‌و هێزانه له خاکی عێراق چڕ ده‌کاته‌وه.
کۆدی هه‌واڵنێر: 60103
Your Comment