به‌پێی هه‌واڵی کوردپرێس، به دوای گۆڕانکارییه‌کانی ئه‌مدواییه له باکووری سووریا، ئه‌نجومه‌نی سووریا دیموکرات ڕۆژی شه‌ممه 2ی شوباتی 2019 له عه‌ین عیسا کۆبوونه‌وه‌یێکی ساز کرد و هه‌ڵسه‌نگاندنی بۆ دۆخی ئێستای باكووری سووریا و گۆڕانكارییه‌كانی ناوچه‌كه كرد.
له كۆبونه‌وه‌ی سه‌رۆكایه‌تیی ئه‌نجومه‌نی سووریای دیموكراتدا، ده‌سته‌ی سه‌رۆكایه‌تی له‌سه‌ر چه‌ند بڕگه و بابه‌تێک ڕێككه‌وتن بۆ ئه‌وه‌ی له داهاتوودا كاریان له‌سه‌ر بكرێت له‌وانه‌ش کشانه‌وه‌ی هیزه‌کانی ئه‌مریکا له سووریا، دروست کردنی ناوچه‌ی ئه‌من له باکووری سووریا، به‌رده‌وام بوون له په‌یوه‌ندیی دیپلۆماسی له‌گه‌ڵ وڵاتانی عه‌ره‌بی و هه‌رێمی له‌باره‌ی سووریاوه به شێوه‌یێكی كاریگه‌رتر.
ئه‌مانه‌ی خواره‌وه له گرنگترینی ئه‌و خاڵانه‌ن كه له كۆبوونه‌وه‌كه‌ی ئه‌نجومه‌نی سووریای دیموكراتدا له‌سه‌ری ڕێككه‌وتن:
1- دووباره جه‌ختكردنه‌وه له‌سه‌ر ڕه‌تكردنه‌وه‌ی پێكهێنانی ناوچه‌ی ئارام له ژێر سه‌رپه‌رشتیی توركیا.
2- جه‌ختكردنه‌وه له‌سه‌ر دیالۆگی ناوخۆیی له سووریا.
3- پێكهێنانی په‌یوه‌ندیی دیپلۆماسی له‌گه‌ڵ وڵاتانی عه‌ره‌بی و هه‌رێمی.
4- به‌رده‌وامبوون له‌گه‌ڵ ئۆپۆزسیۆن له وڵاتانی ده‌ره‌وه له‌پێناو دابه‌ش بوونیان.
5- گرنگیدان به ناوچه‌كانی باكوور و ڕۆژهه‌ڵاتی سووریا و هه‌بوونی ستراتێژییێكی ڕوون و ئاشكرا له‌وباره‌یه‌وه.
6- به‌رده‌وامبوون له دژایه‌تی كردن و له‌ناوبردنی تیرۆر پاش له‌ناوچوونی داعش له سووریا.
7- ئه‌نجومه‌نی سووریای دیموكرات له‌گه‌ڵ چاره‌سه‌ری سیاسیدایه و پێویسته نوێنه‌ری هه‌ر چاره‌سه‌رێكی سیاسیی دانووستانكارانه بێت له‌باره‌ی سووریاوه.
8- به‌رده‌وامبوون له په‌یوه‌ندییه دیپلۆماسییه‌كان له‌گه‌ڵ ئه‌مه‌ریكا سه‌ره‌ڕای بڕیاری ئه‌م وڵاته بۆ چوونه‌ده‌ره‌وه له سووریا.
9- دۆزینه‌وه‌ی به‌دیل بۆ ڕووبه‌ڕووبوونه‌وه‌ی هه‌ڕه‌شه‌كانی توركیا.
10- ناردنی وه‌فدی دیپلۆماسی بۆ ده‌وڵه‌تانی جیهان به‌تایبه‌ت ئه‌و وڵاتانه‌ی په‌یوه‌ندییان به پرسی سووریاوه هه‌یه، ئه‌ویش له‌پێناو زیادكردنی پشتیوانی بۆ پرۆژه‌ی سووریای دیموكرات.
سه‌رچاوه: هه‌واڵده‌ریی هاوارنیووز
کۆدی هه‌واڵنێر: 60103
Your Comment