بەپێی هەواڵی کوردپرێس، له کۆبوونه‌وه‌که‌دا دوايين پێشهاته‌کانى دۆخى عێراق و پرۆسه‌ى سياسى، هه‌ڵبژاردنى ده‌سته‌ى سه‌رۆکايه‌تيى ئه‌نجومه‌نى نوێنه‌رانى عێراق و هه‌وڵه‌کانى پێکهێنانى حکوومه‌تى داهاتوو، دوايين پێشهاته‌کانى دۆخى سياسى، ئه‌منى و ئابووريى لوبنان و په‌يوه‌ندييه‌کانى لوبنانيان له‌گه‌ڵ عێراق و هه‌رێمى کوردستان باس کرد.
نێچيرڤان بارزانى، خواستى هه‌رێمى کوردستانى بۆ بره‌ودان به په‌يوه‌ندييه‌کانى له‌گه‌ڵ لوبنان دووپات کرده‌وه و ئاماژه‌ى به ئاماده‌يى و کار و چالاکييه‌کانى ڕه‌وه‌ندى لوبنانى له هه‌رێمى کوردستان کرد که له چه‌ندين بوارى جيادا چالاک و کاران.
لاى خۆيه‌وه نه‌جيب ميقاتى، سه‌رۆک وه‌زيرانى لوبنان وێڕاى پێشکه‌شکردنى پوخته‌يه‌ک ده‌باره‌ى دۆخى سياسى و ئابوورى و ته‌حه‌دييه‌کانى به‌رده‌م وڵاته‌که‌ى، جه‌ختى له ئاماده‌يى و خواستى لوبنان بۆ بره‌ودان به په‌يوه‌ندييه‌کانى له‌گه‌ڵ عێراق و هه‌رێمى کوردستان کرده‌وه، هه‌روه‌ها نێچيرڤان بارزانى بۆ سه‌ردانێکى فه‌رمى، بانگهێشتى لوبنان کرد.
دۆخى په‌نابه‌ران له لوبنان و هه‌رێمى کوردستان، دوايين پێشهاته‌کانى شه‌ڕى دژى داعش و دۆخى ناوچه‌که به‌گشتى و چه‌ند پرسيکى جێى بايه‌خى هاوبه‌ش، ته‌وه‌رێکى ديکه‌ى کۆبوونه‌که بوو.
Your Comment