به‌پێی هه‌واڵی کوردپرێس، فراكسیۆنى پارتى دیموكراتى كوردستان له ڕاگه‌یه‌ندراوێكدا كه سه‌رۆكى فراكسیۆنه‌كه له كۆنگره‌یێكى ڕۆژنامه‌وانیدا له ئه‌نجومه‌نى نوێنه‌رانى عێراق خوێندییه‌وه ڕای‌گه‌یاند: په‌كه‌كه بوووه‌ته هۆى وێران بوونى سه‌دان گوندى ناوچه سنوورییه‌كان و پێویسته خاكى هه‌رێمى كوردستان به‌جێبهێڵێت.
له ڕاگه‌یه‌ندراوه‌كه‌دا هاتوووه: "چه‌ند ساڵى ڕابردوو، كێشه‌ى زۆر له ئه‌نجامى تۆپبارانى سوپاى توركیا له‌سه‌ر ناوچه سنوورییه‌كانى هه‌رێمى كوردستان په‌یدا بوون".
هه‌روه‌ها هاتوووه: "هه‌ر له ده‌ستپێكى ئه‌و ڕووداوانه‌وه ئێمه وه‌ک په‌رله‌مانتار له جێى ڕووداوه‌كان ئاماده بووین بۆ هێوركردن و پاراستنى گیانى هاووڵاتییانى ده‌ڤه‌ره‌كه".
له به‌شێكى دیكه‌ى ڕاگه‌یه‌ندراوه‌كه‌دا هاتوووه: "ئاشكرایه ئه‌و تۆپبارانكردنه به پاساوى بوونى په‌كه‌كه له ناوچه‌كه ئه‌نجام ده‌درێت، ئێمه داوا له په‌كه‌كه ده‌كه‌ین خۆیان له سنوورى هه‌رێمى كوردستان دوور بخه‌ن و خه‌ڵكى ئێمه له‌و نه‌هامه‌تى و قوربانییانه ڕزگار بكه‌ن".
سه‌باره‌ت به كاریگه‌ریى مانه‌وه‌ى په‌كه‌كه له ناوچه سنوورییه‌كانى هه‌رێمى كوردستان له ڕاگه‌یه‌ندراوه‌كه‌دا هاتوووه: "بوونى ئه‌وان له هه‌رێمى كوردستان كاریگه‌ریى نه‌رێنیی سیاسى و ئابوورى و كۆمه‌ڵایه‌تى له‌سه‌ر خه‌ڵكى هه‌رێمى كوردستان هه‌یه و سه‌دان گوند به هۆى بوونى ئه‌وانه‌وه به وێرانى و كاولى ماونه‌ته‌وه".
فراكسیۆنى پارتى له ئه‌نجوومه‌نى نوێنه‌رانى عێراق ڕاشیگه‌یاند: "ئێمه ناخوازین خاكى هه‌رێمى كوردستان و عێراق ببێته مه‌ترسیى تێكدانى ئارامى وڵاتانى هاوسۆزى ئێمه".
فراكسیۆنه‌كه له په‌یامیدا بۆ بنه‌ماڵه‌ى شه‌هید و برینداره‌كان رایگه‌یاند: "ئێمه سه‌ره‌خۆشى له ته‌واوى خێزانى ئه‌و شه‌هیدانه ده‌كه‌ین كه بوونه قوربانى ئه‌و ڕووداوانه و هیواى سه‌لامه‌تى و چاكبوونه‌وه بۆ برینداره‌كان ده‌خوازین".
له كۆتاییى ڕاگه‌یه‌ندراوه‌كه‌دا، فراكسیۆنى پارتى له ئه‌نجومه‌نى نوێنه‌رانى عێراق داواكارییه‌كى خستوووه‌ته‌ڕوو و تێیدا هاتوووه: "داوا ده‌كه‌ین هه‌ر دوو حكوومه‌تى عێراقى فیدراڵ و حكوومه‌تى هه‌رێمى كوردستان ئه‌و بابه‌ته چاره‌سه‌ر بكه‌ن و سوپاسى حكوومه‌تى هه‌رێمى كوردستانیش ده‌كه‌ین كه هه‌ر زوو دواى ڕووداوه‌كان ڕه‌وشى ئارامى و هێزه‌كانى ئه‌منى بۆ پاراستنى هاووڵاتییان له‌و ده‌ڤه‌ره بڵاو ده‌كاته‌وه".
کۆدی هه‌واڵنێر: 60103
Your Comment