به‌پێی هه‌واڵی کوردپرێس، سوبحی مه‌ندلاوی له‌ گفتوگۆیێکی تایبه‌تدا له‌گه‌ڵ که‌ناڵی ته‌له‌فزیۆنیی "دجله‌"ی عێراق ئاماژه‌ به‌وه‌ ده‌کات که‌ بابه‌تی به‌شه‌بودجه‌ی هه‌رێمی کوردستان به‌شێک له‌ چاره‌سه‌رکردنی کێشه‌ی هه‌ولێر- به‌غدا دێته‌ ئه‌ژمار و پاش بڕینی ئه‌و بودجه‌یه‌ له‌ ساڵی 2014وه‌ تاکوو ئێستا له‌ بودجه‌ی گشتیی 2019دا هه‌ڵپه‌سێردراوه‌.

ناوبراو گوتیشی: به‌شه‌بودجه‌ی ته‌رخان‌کراوی به‌غدا به‌ هه‌رێمی کوردستان به‌ 20 له‌سه‌د ناگات به‌ڵکوو هه‌مان 12 له‌سه‌ده‌ و مووچه‌ی پێشمه‌رگه‌ و فه‌رمانبه‌رانی هه‌رێمی کوردستانیش به‌ شێوه‌یێکی جیا له‌لایه‌ن به‌غداوه‌ ده‌درێت.

مه‌ندلاوی جه‌ختی کرده‌وه‌: به‌شه‌بودجه‌ی هه‌رێمی کوردستان له‌لایه‌ن کۆمیسیۆنی داراییی ئه‌نجومه‌نی نوێنه‌رانه‌وه‌ دیاری و ده‌سته‌ی سه‌رۆکایه‌تیی ده‌وڵه‌تی عێراقیش په‌سه‌ندی کردوووه‌ و په‌یوه‌ندییێکی به‌ بابه‌تی په‌یوه‌ندیی نێوان وه‌زیری داراییی کورد و عادل عه‌بدولمه‌هدی سه‌رۆک وه‌زیرانه‌وه‌ نه‌بوووه‌.

کۆدی هه‌واڵنێر: 60103