به‌پێی هه‌واڵی کوردپرێس، ئه‌مڕۆ شه‌ممه‌ 26ی کانوونی دووهه‌می 2019 سه‌فین دزه‌یی گوته‌بێژی فه‌رمیی حکوومه‌تی هه‌رێمی کوردستان گوتی: "ڕۆژی یه‌کشه‌ممه‌ 27-1-2019 ئه‌نجومه‌نی وه‌زیران کۆبوونه‌وه‌ بۆ تاوتوێ کردنی یاسای بودجه‌ ده‌کات".

ناوبراو ئه‌وه‌شی ڕه‌ت کرده‌وه‌ که‌ گفتوگۆکه‌یان به‌ دیاریکراوی له‌باره‌ی بابه‌تی لادانی پاشه‌که‌وتی مووچه‌ی فه‌رمانبه‌ران بێت و دووپاتی کرده‌وه‌ که‌ "کارنامه‌ی کۆبوونه‌وه‌که‌ له‌سه‌ر پرسی بودجه‌یه‌."

شایانی باسه‌؛ ڕۆژی چوارشه‌ممه‌ 23-1-2019 ئه‌نجومه‌نی نوێنه‌رانی عێراق یاسای بودجه‌ی گشتیی 2019ی په‌سه‌ند کرد که‌ دواتر په‌رله‌مانتارانی کوردستان ڕایانگه‌یاند به‌پێی ئه‌و یاسایه‌ مانگانه‌ بڕه‌پاره‌یێکی زۆر بۆ هه‌رێمی کوردستان ده‌نێردرێت.

سه‌رچاوه‌: باسنیووز

کۆدی هه‌واڵنێر: 60103