کوردپرێس:

قلچدار ئوغڵۆ سەرۆکی پارتی کۆماریخوازی گەلانی تورکیا و مراڵ ئاکشنەر سەرۆکی ئیپارت پرۆتۆتکۆلێکی هاوکاری کردنیان بۆ هەڵبژاردنی شارەوانییەکانی 2019 واژۆ کرد و لە پرێس کونفڕانسێکدا بە فەرمی ڕایانگەیاند کە لە 49 پارێزگای تورکیادا هاوپەیمانێتییان پێکهێناوە.

بەگوێرەی ئەو زانیارییانەی دەست کەوتوون دوو لایەن لە پرۆتۆتکۆلە واژۆکراوەکەدا هاوپەیمانێتییان لە 49 پارێزگای تورکیا پێکهێناوە کە 22یان گەورە شارەکانی تورکیان و 12 گەورە شاریان هی جەهەپەیە و 10ی دیکەش هی ئی پارتە.

لە دیکەی پارێزگاکانیش 16 پارێزگایان هی نێونەرانی جەهەپەیە و 11ی دیکە سەر بە ئی پارتن. بەوپێیەش هەردوو پارتی جەهەپە و ئی پارت لە هەڵبژاردنەکەی 31ی مارچی 2019 لە 28 پارێزگای تورکیا کاندیدی جەهەپە دەناسێنن و و ئی پارت پشتگیرییان دەکات و لە 21 پارێزگاش کاندیدی ئی پارت دەناسنێنن و جەهەپە پشتگیریی دەکات.

کۆدی هەواڵنێر: