به‌پێی هه‌واڵی کوردپرێس، به‌پێی ئه‌و زانیارییانه‌ی له‌ سه‌رچاوه‌ دیپلۆماتییه‌كانه‌وه‌ ده‌ستکه‌وتوون ڕۆژی دووشه‌ممه‌ (21-1-2019) مایک پۆمپیۆ وه‌زیری ده‌ره‌وه‌ی ئه‌مریکا و مه‌ولوود چاوشئۆغڵۆ وه‌زیری ده‌ره‌وه‌ی تورکیا په‌یوه‌ندییێکی ته‌له‌فۆنییان ئه‌نجام دا.

له‌ په‌یوه‌ندییه‌ ته‌له‌فۆنییه‌که‌دا تاوتوێی دۆخی سووریا و هاوئاهه‌نگیی نێوان ئه‌مریکا و تورکیا له‌ ناوچه‌که‌ و هه‌روه‌ها پرسی کشانه‌وه‌ی هێزه‌کانی ئه‌مریکا له‌ سووریا کراوه‌.

مایک پۆمپیۆ له‌ گفتوگۆکه‌یدا له‌گه‌ڵ هاوتا تورکه‌که‌ی پابه‌ندی وڵاته‌که‌ی بۆ چاره‌سه‌رکردنی نیگه‌رانییه‌ ئه‌منییه‌کانی تورکیا دووپات کردوووه‌ته‌وه‌ و هاوکات جه‌ختیشی له‌ گرنگیی پاراستنی هێزه‌ هاوبه‌شه‌کانی ئه‌مریکا له‌ ناوچه‌که‌ کردوووه‌ته‌وه‌.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103