به‌پێی هه‌واڵی کوردپرێس، ماجد شنگالی به‌ هه‌واڵده‌ریی مه‌علوومه‌ی ڕاگه‌یاندوووه‌: گفتوگۆی ئه‌مدواییه‌ی نێوان پارتی دیموکرات و یه‌کێتیی نیشتیمانیی کوردستان له‌سه‌ر پێکهێنانی حکوومه‌تی نوێ له‌ هه‌رێمی کوردستان به‌ ته‌واوه‌تی ئیجابی بوووه‌.

ناوبراو ئاماژه‌ی به‌وه‌ش کرد که‌ ئه‌و دوو حزبه‌ پێویستیان به‌ کاتێکی زیاتر هه‌یه‌ بۆ ڕێککه‌وتن له‌سه‌ر پێکهێنانی حکوومه‌تی نوێی هه‌رێمی کوردستان و به‌ڕێوه‌بردنی پارێزگای که‌رکووک.

شنگالی ئاماژه‌ به‌وه‌ش ده‌دات که‌ یه‌کێتی هه‌وڵه‌کانی بۆ چاره‌سه‌رکردنی تێکڕای کێشه‌کان و په‌یوه‌ندیدانیان به‌ یه‌کتر چڕ ده‌کاته‌وه‌ له‌وان به‌ڕێوه‌بردنی پارێزگای که‌رکووک و پێکهێنانی حکوومه‌تی هه‌رێمی کوردستان و له‌وباره‌وه‌ جیاوازیی ڕاوبۆچوونی له‌گه‌ڵ پارتی هه‌یه‌ هه‌ر بۆیه‌ شنگالی داوای چاره‌سه‌رکردنی کێشه‌کان به‌ شێوه‌ی تاکه‌که‌سی ده‌کات به‌ ئامانجی پێکهێنانی کابینه‌ی نوێی هه‌رێمی کوردستان.

کۆدی هه‌واڵنێر: 60103