به‌پێی هه‌واڵی کوردپرێس، ڕۆژی سێ‌شه‌ممه 15ی کانوونی دووهه‌می 2019 په‌رله‌مانتارانی فراکسیۆنی چه‌پ له په‌رله‌مانی ئه‌ورووپا له‌گه‌ڵ مانگرتوووانی ستراسبۆرگ له‌پێناو هه‌ڵگرتنی گۆشه‌گیریی سه‌ر ئیمڕاڵی چالاکییێکیان ئه‌نجام دا و په‌رله‌مانتاران داوای ئازادییان بۆ له‌یلا گوڤه‌ن و هه‌موو په‌رله‌مانتارانی دیکه‌ی هه‌ده‌په‌ش کرد.
له چالاکییه‌که‌دا په‌رله‌مانتارانی ئه‌ورووپا یولیا وارد، مارتینا ئانده‌رسۆن و تاکس هادیگۆیگیۆ، هه‌روه‌ها هاوسه‌رۆکی کۆنگره‌ی کۆمه‌ڵگه‌ی دیموکراتیی کوردستانیانی ئه‌ورووپا (KCDK-E) که‌جه‌ده‌که- ئه‌ورووپا، مه‌رال دانش به‌شتاش په‌رله‌مانتاری هه‌ده‌په، فارووق دۆرو نوێنه‌ری هه‌ده‌په له ئه‌ورووپا و نوێنه‌رانی ڕێکخستنه کوردییه‌کان ئاماده بوون.
ئاماده‌بوان پشتگیرییان له چالاکییه‌کانی مانگرتن له خواردن دژی گۆشه‌گیریی کرد و داوایان له کۆمیته‌ی به‌رگرتن له ئه‌شکه‌نجه (CPT) و په‌رله‌مانی ئه‌ورووپا کرد هه‌وڵه‌کانیان بخه‌نه‌گه‌ڕ بۆ کۆتایی هێنان به گۆشه‌گیریی سه‌ر ئۆجالان.
سه‌رچاوه: شارپرێس
کۆدی هه‌واڵنێر: 60103
Your Comment