به‌پێی هه‌واڵی کوردپرێس، ئه‌مڕۆ سێشه‌ممه 15-1-2019 مه‌سروور بارزانی ڕاوێژکاری ئه‌نجومه‌نی ئاسایشی هه‌رێمی کوردستان پێشوازی له محه‌مه‌د جه‌واد زه‌ریف وه‌زیری ده‌ره‌وه‌ی ئێران و شاندی یاوه‌ری کرد.
مه‌سروور بارزانی وێڕای به‌خێرهێنانی وه‌زیری ده‌ره‌وه‌ی ئێران تیشکی خسته سه‌ر په‌یوه‌ندی له مێژینه‌ی نێوان هه‌ر دوو گه‌لی کوردستان و گه‌لانی کۆماری ئیسلامیی ئێران و ئاماژه‌ی به دراوسێیه‌تی باش و به‌رژه‌وه‌ندییه هاوبه‌شه‌کان دا له سه‌ر بنه‌مای ڕێز و ھاوسه‌نگی دوولایه‌نه.
هه‌ر له‌م دیداره‌دا هه‌ڕه‌شه‌کانی تیرۆریستان و په‌ره‌سه‌ندنی په‌یوه‌ندییه‌کانی نێوان به‌غدا و هه‌ولێر و پرسه هاوبه‌شه‌کان و پێشهاته‌کانی ناوچه‌که تاوتوێ کرا.
له لای خۆیه‌وه وه‌زیری ده‌ره‌وه‌ی ئێران هیوای سه‌رکه‌وتنی بۆ مه‌سروور بارزانی خواست له سه‌رۆکایه‌تی کردنی کابینه‌ی نوێی حکوومه‌تی هه‌رێمی کوردستان و باسی له بایه‌خی په‌ره‌پێدان به میکانیزمی په‌یوه‌ندییه‌کان به‌تایبه‌تی له بواری په‌یوه‌ندییه ئابورییه‌کان له چوارچێوه‌ی په‌یوه‌ندییه ئابووریه‌کانی ئێران و عێراق کرد و ڕایگه‌یاند: سه‌قامگیری و ئاسایشی هه‌رێمی کوردستان و عێراق بۆ ئێران گرینگه و له‌و پێناوه‌دا ئاماده‌ی په‌ره‌پێدانی ھه‌موو ھاوکارییه‌کانن.
کۆدی هه‌واڵنێر: 60103
Your Comment