به‌پێی هه‌واڵی کوردپرێس، به‌شی ڕاگه‌یاندنی به‌ڕێوه‌به‌رایه‌تیی گشتیی کاروباری مین له هه‌ولێر له په‌یجی تایبه‌تیی خۆیان له تۆڕی کۆمه‌ڵایه‌تیی (فه‌یسبووک)دا بڵاوی کردۆته‌وه که له ساڵی 2018دا تیمه‌کانی به‌ڕێوه‌به‌رایه‌تییه‌که له شار و شارۆچکه‌کانی سۆران، چۆمان، مێرگه‌سۆر، ڕواندز، شه‌قڵاوه و کۆیه له پارێزگای هه‌ولێر 11 کێڵگه‌ی مینیان پاک کردۆته‌وه و ڕاده‌ستی خاوه‌نه‌کانیان کراونه‌ته‌وه.
هه‌روه‌ک له ڕاگه‌یه‌ندراوه‌که‌دا هاتوووه که له ساڵی ڕابردوودا دوو هه‌زار و 839 مین و ته‌قه‌مه‌نیی نه‌ته‌قاوه له‌ناو براون.
به‌ڕێوه‌به‌رایه‌تیی گشتیی کاروباری مین له هه‌ولێر ئاماژه‌ی به‌وه‌ش داوه که له ساڵی 2018دا له سنووری پارێزگای هه‌ولێر به هه‌موو شارۆچکه‌کانییه‌وه، حه‌وت هاووڵاتی به ته‌قینه‌وه‌ی مین گیانیان له‌ده‌ست داوه و شه‌شی دیکه‌ش بریندار بوون.
کۆدی هه‌واڵنێر: 60103
Your Comment