به‌پێی هه‌واڵی کوردپرێس، دادستێنی ئه‌نقه‌ره حوکمی ده‌ستگیر کردنی بۆ 100 هێزی سوپای تورکیای ده‌رکرد به تۆمه‌تی هاوکاری له‌گه‌ڵ جه‌ماعه‌تی گوله‌ن و سه‌رله‌به‌یانیی ئه‌مڕۆ دووشه‌ممه 7ی کانوونی دووهه‌می 2019 هێزه‌کانی به‌ره‌نگاربوونه‌وه‌ی تیرۆری تورکیا هه‌ڵمه‌تێکیان له ناونیشانی مانه‌وه‌ی هێزه‌کانی سه‌ر به ناوه‌ندی فه‌رمانده‌ییی هێزی چه‌کداری تورکیا ده‌ست پێکرد.
هه‌ڵمه‌تی هێزه‌کانی پۆلیسی تورکیا بۆ ده‌ستگیرکردنی ئه‌و که‌سانه به شێوه‌ی هاوکات له چه‌ندین پارێزگای تورکیادا درێژه‌ی هه‌یه.
شایانی باسه؛ تورکیا له دوو ساڵ و نیو پێشه‌وه پاکتاوێکی به‌ربڵاوی له ناو هه‌یکه‌لیه‌تی ده‌وڵه‌تی- سه‌ربازی خۆی به تایبه‌ت هێزی چه‌کدار ده‌ست پێکردوووه و ئه‌و پڕۆسه‌یه هێشتاکه له‌ژێر ناوی به‌ره‌نگاری له‌گه‌ڵ جه‌ماعه‌تی گوله‌ن و ڕیشه‌کێش کردنی نفووزی ئه‌و پێکهاته‌یه له ناو سوپای تورکیا درێژه‌ی هه‌یه.
سه‌رچاوه: ته‌له‌فزیۆنی NTV
کۆدی هه‌واڵنێر: 60103
Your Comment