کوردپرێس:

رۆژی یەكشەممە 6 ی كانونی دووەم، عادل عەبدولمەهدی، لە میانی وتارێكدا لە یادی 98 ساڵەی دامەزراندنی سوپای عێراق رایگەیاند: سوپا بە شارەزایی و لێهاتوویی ناسراوە و چەندین نەوەی لە ئەفسەر و سەركردە و پلەداری پێگەیاندوە لە هەمان كاتیشدا رووبەڕووی تەحەدای مەترسیدار لە قۆناغەكانی رابردوودا بووەتەوە.

سەرۆك وەزیرانی عێراق گوتیشی هەماهەنگی و پشتیوانیكردنی حەشدی شەعبی و حەشدی عەشایەری بووە لە سوپا و پۆلیسی عیراق، و هێزی پێشمەرگەی كوردستانیش شانبەشانی سوپا بەرامبەر چەكدارانی داعش خۆڕاگربوون و هێزەكانی دژەتیرۆریش بە ورەوە پێشڕەوییان كردووە، ئەمەش نموونەی یەكڕیزی و خاڵێكی پرشنگدارە لە رێگای بنیادنانی عێراقی نوێ.