به‌پێی هه‌واڵی کوردپرێس، ڕۆژی شه‌ممه‌ 5ی کانوونی دووهه‌می 2019 نووسینگه‌ی ڕاگه‌یاندنی عادل عه‌بدولمه‌هدی له‌ ڕاگه‌یێندراوێکدا ئاماژه‌ به‌وه‌ ده‌کات که‌ سه‌رۆكى حكوومه‌تى عێراقی فیدڕاڵ فه‌رمانى داوه‌ به‌: "لێكۆڵینه‌وه‌كردن له‌و زانیارییانه‌ى ئاماژه‌ به‌وه‌ ده‌ده‌ن كه‌ له ‌ژێر ترس و هه‌ڕه‌شه‌كردندا فه‌رمانى كارگێڕى له‌لایه‌ن به‌ڕێوه‌به‌رى گشتیی ده‌سه‌ڵاتى فڕۆكه‌وانى مه‌ده‌نی بۆ كه‌سایه‌تییێک ده‌ركراوه‌ به‌دانانى به‌ جێگرى به‌ڕێوه‌به‌رى گشتی".

هه‌روه‌ها به‌پێی فه‌رمانه‌كه‌ ڕێكارى كارگێڕى له‌باره‌ى دامه‌زراندنى جێگرى به‌ڕێوه‌به‌رى گشتیی ده‌سه‌ڵاتى فڕۆكه‌وانى مه‌ده‌نی جێبه‌جێ ناكرێت تا ئه‌و كاته‌ى ئه‌نجامى لێكۆڵینه‌وه‌كان ده‌رده‌كه‌ون.

سه‌رۆک وه‌زیرانى فیدڕاڵ له‌ فه‌رمانه‌كه‌یدا داواى كردوووه‌ توندترین سزا ئاراسته‌ى ئه‌و كه‌سانه‌ بكرێت كه‌ له ‌ژێر هه‌ڕه‌شه‌ و ترساندندا ده‌سه‌ڵاته‌كانى خۆى به ‌كار ده‌هێنێت.

سه‌رچاوه‌: باسنیووز

کۆدی هه‌واڵنێر: 60103