به‌پێی هه‌واڵی کوردپرێس، سه‌نته‌ری ڕاگه‌یاندنی ئه‌منی له به‌یاننامه‌یێکدا بڵاوی کرده‌وه که ئۆپه‌راسیۆنه‌که به پشتیوانیی فڕۆکه‌ی جه‌نگی ده‌ستی پێکردوووه بۆ کێوماڵکردنی ناوچه‌کانی "دوورگه‌ی تکریت" که به‌هۆیه‌وه توانراوه 10 توونێلی تیرۆریستان و حه‌وت حه‌شارگه‌ی خۆراک و ته‌قه‌مه‌نی ئاشکرا بکرێت و هه‌موو توونێل و حه‌شارگه‌کان تێکوپێک دراون.
به‌یاننامه‌که ئاماژه‌ی به‌وه‌ش کردوووه که هه‌ر له ئۆپه‌راسیۆنه‌که‌دا حه‌شارگه‌یێک له‌ژێر زه‌وی ناوچه‌که‌دا دۆزراوه‌ته که خۆراک و که‌لوپه‌لی پزیشکی و شوێنی ڕاگرتنی ئوتۆمبێل و شوێنی هه‌ڵگرتنی سووته‌مه‌نی له‌خۆ گرتوووه.
له ئه‌نجامی گه‌ڕان و پشکنینی هێزه ئه‌منییه‌کان، چه‌کدارێکی داعش ده‌ستگیر کراوه که بڕێکی زۆر خۆراک و که‌لوپه‌لی پێ بوووه.
له دوای جموجۆڵه‌کانی ئه‌م دواییه‌ی چه‌کدارانی داعش له ناوچه‌کانی پارێزگای سه‌ڵاحه‌دین و دیاله، هێزه ئه‌منییه‌کان ئۆپه‌راسیۆنی جیاجیایان له‌و ناوچانه ده‌ست پێکردوووه بۆ ڕووبه‌ڕووبوونه‌وه‌ی چه‌کدارانی داعش و ڕێگه‌نه‌دان به دروست کردنه‌وه‌ی شوێن و پێگه‌ی خۆیان له‌و ناوچانه.
کۆدی هه‌واڵنێر: 60103
Your Comment