کوردپرێس:

شاندێکی ئەمریکی کە لەئەندامانی وەزارەتی داد و پۆلیسی (FBI) پێکهاتوون بە مەبەستی تاوتوێکردنی دۆسیەی گولەن و دەستتێکەڵیی فەتۆچییەکان لە کوودەتای بێئەنجامی 15ی جوولای 2016 سەردانی تورکیایان کردووە لە یەکەم ڕۆژی سەردانەکەیاندا بۆ ماوەی 11 کاتژمێرلێپێچینەویان لەگەڵ سێ تۆمەتباری سەرەکیی دۆسیەکە کرد.

شاندە ئەمریکییەکە بە ڤیدیۆ کۆنفڕانس لێپێچینەوەیان لە تۆمەتبارەکان کرد کە لە بەندیخانی سیجان بەند کراون و پاشانیش ناوەرۆکی تۆمارکراوی قسە تەلەفۆنییەکانی هاکان چیچەک و ئەندامانی باڵای مامۆستایانی ئاینیی فەتۆچییەکانیان تاوتوێ کرد.

بڕیارە ئەو شاندەئەمریکییەی وەزارەتی داد و پۆلیسی فیدراڵ پاشان لەگەڵ بەرسانی ئەمنی و پۆلیسی تورکیا دیدار و گفتوگۆ بکەن.