به‌پێی هه‌واڵی کوردپرێس، کوردی سووریا که پاش ڕاگه‌یاندنی کشانه‌وه‌ی هێزه‌کانی ئه‌مریکا له سووریا وازیان له هاوپه‌یمانێتی له‌گه‌ڵ ئه‌مریکا هێناوه ئێستاکه سه‌رقاڵی دانووستان له‌گه‌ڵ ده‌وڵه‌تی سووریا و ڕووسیا‌ن.
ئه‌مه‌ش له حاڵێکدایه که هێزه‌کانی سوپای سووریا له‌سه‌ر بانگهێشتی کورد له نزیک شاری مه‌نبه‌جی ژێر کۆنتڕۆڵی کورد له باکووری سووریا جێگیر بوونه.
لیندسی گراهام سیناتۆری ئه‌مریکی نیگه‌رانیی خۆی هه‌مبه‌ر هاوپه‌یمانیی کوردی سووریا له‌گه‌ڵ حکوومه‌تی ناوه‌ندیی ئه‌و وڵاته نیشان داوه.
گراهام له هه‌ژماری تایبه‌تی خۆی له توویته‌ردا نووسیی: ئه‌گه‌ر ڕاپۆرته‌کان له‌باره‌ی هاوپه‌یمانێتیی نێوان کورد و به‌شار ئه‌سه‌د ڕاست بێت، کاره‌ساتێکی قووڵ ڕوو ده‌دات.
ناوبراو هاوپه‌یمانیی کورد له‌گه‌ڵ ده‌وڵه‌تی ناوه‌ندیی سووریا به مۆته‌که‌یێک بۆ تورکیا و له کۆتاییدا ئیسرائیل وه‌سف ده‌کات و براوه گه‌وره‌کانی قه‌یرانی سووریا به ڕووسیا، ئێران و به‌شار ئه‌سه‌د ناو ده‌بات.
کۆدی هه‌واڵنێر: 60103
Your Comment