به‌پێی هه‌واڵی کوردپرێس، بڵێسه جه‌بار فه‌رمان نووسراوێکی له هه‌ژماری تایبه‌تی خۆی له تۆڕی کۆمه‌ڵایه‌تیی فه‌یسبووک له‌باره‌ی پێویستی یه‌کخستنی نێو ماڵی کورد له به‌غدا بڵاو کردۆته‌وه و ڕای‌گه‌یاندوووه: "له‌م ماوه كورته‌ی كاری په‌رله‌ماندا له به‌غدا ئه‌وه‌م بۆ ڕوون بوووه‌وه ئه‌گه‌ر چوارچێوه‌یێكی هاوبه‌شی كاری كوردستانی دروست نه‌كه‌ین، هه‌رێمی كوردستان زه‌ره‌رمه‌ند ده‌بێت و بوونمان له به‌غدا بێ‌كاریگه‌ر ده‌بێت".
په‌رله‌مانتاره كورده‌كه‌ی یه‌كێتی ڕوونیشی كردوووه‌ته‌وه که پێویسته ژوورێكی هاوبه‌شی كاری كوردستانی دروست بكرێت و ببێته چه‌تری كۆكه‌ره‌وه‌ی به‌دیهێنانی به‌ڵێنه‌كانی هه‌ڵبژاردن و وه‌رگرتنی مافه ده‌ستوورییه‌كانی خه‌ڵكی كوردستان.
بڵێسه جه‌بار فه‌رمان گوتیشی: "ئه‌گه‌ر یه‌ک نه‌بین و ئاوا په‌رت بین، له دوای چوار ساڵی‌تر به بێ ده‌ستكه‌وت هه‌ر لایێک بۆ هه‌رێمی کوردستان ده‌گه‌ڕێته‌وه."
ناوبراو ئاماژه‌ی به‌وه‌ش داوه که ئه‌زموونی ڕابردوو سه‌لماندی چه‌ن زه‌ره‌رمان كرد له بێ ئیتیفاقی و "پێده‌چێ ده‌رس وه‌رنه‌گیرابێ وه‌ک هه‌موو جاره‌كان و دابه‌ش بوونمان به زیانی چاوه‌ڕوانییه‌كانی خه‌ڵكی كوردستان بكه‌وێته‌وه."
کۆدی هه‌واڵنێر: 60103
Your Comment