کوردپرێس:
موراد عەلی تاتار لەو بارەیەوە وتوویەتی بە قاچاخ بردنی سووتەمەنی یەکێکە لە دیاردە هەمیشەیییەکانی دەروازە سنوورییەکان و هەر لەو بارەیەشەوە توانیویانە لە ماوەی ئەمساڵی هەتاویدا دەست بە سەر 418 هەزار لیتر سووتەمەنیی قاچاخ لە دەروازەی سنووری پەروێزخان بگرن.
قایمقامی قەسر شیرین گوتیشی: بۆ کەشف کردن و دەست بە سەردا گرتنی سووتەمەنیی قاچاخ و کاڵا و دراویش هێزی ئینتیزامی و سوپا و سەرجەم هێزە ئەمنییەکان و دەزگای داد و هەموو دامودەزگای پێوەندیدار هاوکاریی یەکتر دەکەن.
تاتار زیادی کرد: نرخی سووتەمەنی لە دوو دیوی سنوورەوە جیاوازیی زۆری هەیە و لە دیوی ئێرانەوە سووتەمەنی بە نرخی زۆر کەم دەکڕدرێت و بەرەو عێراق و هەرێمی کوردستان دەبرێت لەبەر ئەوەی نرخی سووتەمەنی لەو دیوی سنوورەوە زۆر زیاترە.
Your Comment