به‌پێی هه‌واڵی کوردپرێس، ئه‌مڕۆ سێشه‌ممه 4ی کانوونی یه‌که‌می 2018 حاكم زاملی له هاوپه‌یمانیی سائیروون ڕای‌گه‌یاندوووه: "هه‌ر حكوومه‌تێک پشتیوانیی مه‌رجه‌عیه‌ت و سه‌در و شه‌قامی نه‌بێت كه‌متر له دوو مانگ به‌رگه ناگرێت و كۆتایی پێدێت."
ناوبراو ڕوونیشی کردۆته‌وه: "ناكرێت ئه‌جیندای ده‌ره‌كی له‌سه‌ر پۆسته وه‌زاره‌ته‌كان به سه‌ر هه‌یمه‌نه‌ی حكوومه‌تدا بسه‌پێنرێت، ئیتر كاتی ئه‌وه هاتوووه ڕێگه به هیچ هه‌ڵوێستێک و ده‌ستێكی له‌و شێوه‌یه نه‌درێت."
زاملی باسی له‌وه‌ش كردوووه: "هه‌ر كاندیدێک ئه‌جیندای ده‌ره‌كی پشتیوانی بكات ڕووبه‌ڕووی ده‌بینه‌وه و ده‌ڕژێینه سه‌ر شه‌قامه‌كان."
هاوپه‌یمانیی سائیروون هه‌ریه‌ک له سه‌لیم جبووری بۆ پۆستی وه‌زیری به‌رگری و فالح فه‌یاز بۆ پۆستی وه‌زاره‌تی ناوخۆ ڕه‌ت ده‌کاته‌وه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment