کوردپرێس:

فوئاد حوسێن وەزیرى داراییى عێراق لەسەر پشکى پارتى لە کۆنفرانسە ڕۆژنامەنووسییەکەدا ڕایگەیاند، خۆپیشاندەران چەند داواکارییێکیان هەبووە لەبارەى دابین­کردنى خزمەتگوزارییەکانى پارێزگاکە و لەبەرچاوى دەگرن.

هەر لەمیانی سەردانەكەیدا بۆ شاری بەسڕە، فوئاد حسێن جێگری سەرۆك وەزیرانی عیراق بۆ كاروباری ئابوری و وەزیری دارایی رایگەیاند، داواكاریی خۆپیشاندەرانی پێگەیشتوە و بەدواداچونیان بۆ دەكات.

تەلەڤزیۆنی ئێن ئاڕتی لە زاری سەرچاوەیێکى ئەمنییش بڵاوی کردەوە، خۆپیشاندەران چوونەتە ناو باخچەى ئوتێل شیراتۆن کە وەزیرى داراییى تێدا بووە لە ناوەڕاستى شارەکە و دواتر لەلایەن هێزە ئەمنییەکانەوە بڵاوەیان پێکراوە و چەند خۆپیشاندەرێکیان دەستگیر کردوە.

ئەمە لەکاتێکدایە لە کاتى خۆپیشاندانەکانى بەسرە لە چەند مانگى ڕابردوودا پارتى خۆراک و ئاوى بۆ خۆپیشاندەرانى پارێزگاکە ناردبوو.