به‌پێی هه‌واڵی کوردپرێس، ئه‌مڕۆ دووشه‌ممه‌ 3ی کانوونی یه‌که‌می 2018 وه‌فدی یه‌كێتیی نیشتمانیی كوردستان له‌ چوارچێوه‌ی سه‌ردانه‌كه‌یان بۆ به‌غدا له‌گه‌ڵ عه‌مار حه‌كیم سه‌رۆكی هاوپه‌یمانیی چاكسازی و بنیادنانه‌وه‌ كۆ بوووه‌وه‌.

له‌و كۆبوونه‌وه‌یه‌دا گفتوگۆ له‌سه‌ر بارودۆخی سیاسیی ناوچه‌كه ‌و كێشه‌ هه‌ڵواسراوه‌كانی نێوان هه‌رێم و به‌غدا كرا و هه‌ردوولا ته‌ئكیدیان له‌ گرنگیی پشتگیری كردنی حكوومه‌تی نوێی عیراق كرده‌وه‌ بۆ جێبه‌جێ كردنی به‌رنامه‌كانی له‌پێناو گه‌یاندنی خزمه‌تگوزارییه‌كان به‌ هاووڵاتییان و دابین كردنی هه‌لی كار و له‌ناوبردنی گه‌نده‌ڵی.

هه‌ر له‌ كۆبوونه‌وه‌كه‌دا هه‌ردوولا جه‌ختیان له‌سه‌ر زوو چاره‌سه‌ركردنی كێشه‌ هه‌ڵواسراوه‌كانی نێوان به‌غدا و هه‌ولێر كرده‌وه‌، له‌ ڕێگه‌ی گفتوگۆ و دانووستان و پابه‌ند بوون به‌ ده‌ستووری هه‌میشه‌ییی عیراق بۆ به‌دیهێنانی ئارامی سیاسی و ته‌واوكردنی ئه‌و وه‌زاره‌تانه‌ی حكوومه‌ت كه‌ ماون.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103