به‌پێی هه‌واڵی کوردپرێس، كامه‌ران مه‌جید مامۆستای زانكۆ و پسپۆڕ له كاروباری ئه‌مریكا ڕای‌گه‌یاند: "ئه‌مریكا ده‌یه‌وێت له ڕێگه‌ی ئه‌و دۆخه‌ی كه له سووریا هه‌یه، به‌رژه‌وه‌ندییه‌كانی خۆی بپارێزێت و ڕێگه له ڕووسیا بگرێت ده‌ستی بگاته ده‌ریای سپی ناوه‌ڕاست و خه‌ونه‌كانی له‌وێ به‌دی بهێنێت و ڕووسیاش له ڕێگه‌ی یه‌مه‌نه‌وه شه‌ڕی به‌رژه‌وه‌ندییه‌كانی خۆی ده‌كات بۆیه تا ئێستا كێشه‌ی هیچكام له‌م دوو وڵاته چاره‌سه‌ر نه‌كراوه".
ناوبراو وتیشی: "ئه‌وه‌ی له سووریا و یه‌مه‌ن ده‌گوزه‌رێت شه‌ڕی زلهێزه‌كانه كه تیایاندا تیرۆر به‌كار ده‌هێنن بۆ به‌ده‌ستهێنانی هه‌ژموون و به‌رژه‌وه‌ندییه‌كانی خۆیان".
كامه‌ران مه‌جید پسپۆڕ له كاروباری ئه‌مریكا باسی له‌وه‌ش كرد: ئه‌وه‌ی میلــله‌تان له تیرۆر ده‌پارێزێت، خودی هاووڵاتییان و حكوومه‌ته‌كانیانه و ناكرێت بوترێت ویلایه‌ته یه‌كگرتوووه‌كانی ئه‌مریكا ئه‌و كاره ده‌كات، به‌پێچه‌وانه‌وه خۆی دروستكه‌ری تیرۆره و سوودی لێوه‌رده‌گرێت بۆ گه‌یشتن به ئامانجه‌كانی له ناوچه‌كه‌دا.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment