به‌پێی هه‌واڵی کوردپرێس، ڕۆژی چوارشه‌ممه 28ی تشرینی دووهه‌می 2018 یه‌كینه‌كانى پاراستنى گه‌ل له ڕێگای به‌یاننامه‌یێکه‌وه ئاماژه‌یان به‌وه کرد: "هێرشه‌كانى یه‌په‌گه له چوارچێوه‌ى قۆناغى دووه‌مى به‌رگرى سه‌رده‌م بوووه و له ناوچه‌ى شێراوه و ناوه‌ندى كانتۆنى عه‌فرین هه‌ر دوو چالاكییه‌كه‌یان ئه‌نجام داوه كه تێیدا 6 چه‌كدارى گرووپه‌كانى نزیک له توركیا كراونه‌ته ئامانج."
ناوه‌نده‌كه‌ى یه‌په‌گه ئه‌وه‌ی خستۆته‌ڕوو: "له‌گه‌ڵ ئه‌وه‌ى هێزه‌كانیان توانیویانه له ناوچه‌ى شێراوه 4 چه‌كدارى گرووپى ئیمام حه‌مزه بكوژن، سه‌یاره‌یێكى سه‌ربازیشیان به ته‌واوى تێكشكاندوووه، هاوكات توانیویانه دوو چه‌كدارى گرووپه‌كه‌ش به سه‌ختى بریندار بكه‌ن."
یه‌په‌گه له به‌یاننامه‌که‌دا باس له‌وه دده‌کات: "له ناوچه‌ى گوبه‌لێ هێرشێكمان بۆ سه‌ر فرقه‌ى شام ئه‌نجام دا و چه‌كدارێكى فرقه‌ى شام كوژراوه و له 24ى مانگ و له هێرشێكدا بۆ سه‌ر برج حه‌یده‌رى، سه‌ر به ناوچه‌ى شێراواى عه‌فرین له دژى سه‌یاره‌یێكى سه‌ربازى چه‌كدارانى سه‌ر به فیرقه‌ى شام دوو چه‌كداری گرووپه‌كه كراونه‌ته ئامانج و كوژراون."
سه‌رچاوه: خه‌ندان
کۆدی هه‌واڵنێر: 60103
Your Comment