بەپێی هەواڵی کوردپرێس، ئاژانسی ڕۆژنیوز بڵاوی کردەوە: سوپای تورکیا گەمارۆیان خستووەتە سەر گوندی دایلای لە ناوچەى برادۆستى سەر بە شارەدێی سیدەکان، ڕێگا نادەن هیچ هاوڵاتییەک لەماڵەکەی بچێتە دەرەوە، تەنانەت بۆ لەوەڕاندنی ئاژەڵ و پێداویستییەکانیشیان.

لەمبارەوە هاوڵاتیێکی گوندی دایلا و باوکی دوو گەنجی ڕفێندراو بە ڕۆژنیوزی وتووە: "گوندەکەمان شوێنی مەدەنییە و هیچ گەریلا و سەنگەرێکی لێ نییە، سوپای تورکیا ژیانیان لێ تاڵ کردووین و لەوەتەی هاتوونەتە ناوچەکە دۆخێكی زۆر مەترسیداریان دروستکردووە، باخ و زەوی و زارمان دەسووتێنن، ئاژەڵەکانمان دەکوژن، تۆپبارانمان دەکەن، منداڵەکانمان دەڕفێنن".

ئەو هاووڵاتییە دەشڵێت: بەهۆی سەربازانی تورکیاوە کەس ناتوانێت لە ماڵی خۆی دەربچێت، هەرکەسێک بچێتە دەرەوە بۆردوومانی دەکەن یان تەقەی لێدەکەن.