بەپێی هەواڵی کوردپرێس، لوقمان وەردی، سەرۆکی لیژنەی شارەوانی لە پەرلەمانی کوردستان بەSNNی ڕاگەیاندووە: بەمەبەستی بەدواداچوون بۆ هۆکاری ڕوودانی لافاوەکەی هەولێر و هەروەها لێکۆڵینەوە لەو زیانە زۆرە گیانی و مادییەی بەهۆی ئەو لافاوەوە تۆمارکرا، وەک لیژنەی شارەوانی لەپەرلەمانی کوردستان بەشێوەیەکی مەیدانی سەردانی شوێنی لافاوەکەمان کرد و بۆمان دەردەکەوت جگە لەوەی ڕێژەیەکی زۆر باران باران باریوە لەهەمان کاتیشدا دەستکاری کردنی ڕێڕەوی ئاوەکان و نەبوونی ئاوەرۆی سندووقی بووە بوونەتە هۆی دروستبوونی لافاوەکە.

ئاماژەی بەوەش کرد، ئەوەی بۆمان دەرکەوت بەشێکی دروستبوونی ئەو لافاوە پەیوەندی بە چارەسەرنەکردنی کێشەی ئاوەڕۆ لە شاری هەولێر و نەبوونی ئاوەڕۆی سندوقی هەیە و هەروە بەهۆی دروستکردنی چەند پڕۆژەیەک ی نیشتەجیبوون ڕێڕەوی کەندە سروشتییەکان پڕکراونەتەوە، کە ئەوە هەڵەیەکی گەورەیەی نەدەبوو ئەو کارە بکرێت، بەجۆرێک کەندی سروشتی دارەتوو پڕکراوەتەوە و بینای لەسەر دروستکراوە.

هەر لەوچوارچێوەیەدا عەبدوڕەحمان موهەندیس ئەندامی ئەنجومەنی پارێزگای هەولیر دەڵێت کە ڕوودانی لافاوەکەی هەولێر بەشێکی پەیوەندیی بە کەمتەرخەمیی بەرپرسانی هەولێرەوە هەبووە و دەبێت لێپرسینەوەیان لەگەڵ بکرێت.