کوردپرێس:

کەناڵی العالم لە هەواڵێکدا ڕایگەیاند سەردار ئیسماعیل قائانی فەرماندەی فەیلەقی قودسی سوپای پاسداران لە دیدارێکی کورتدا بەغدای بەسەر کردۆتەوە و لەگەڵ بەرپرسانی باڵای عێراقی دیدار و گفتوگۆی کردووە.

سەردار قائانی لە دیدارەکانیدا لەبارەی نەخشەڕێگای گەشەپێدانی پێوەندییە دووقۆڵییەکانی نێوان ئێران و عێراق لەگەڵ بەرپرسانی عێراقی دیداری کردووە.

العالم زیادی کردووە دیدارەکانی سەردار قائانی پێشتر بە پرۆتۆکۆل ئامادەکارییان بۆ کرابوو.

شایانی باسە فەرماندەی فەیلەقی قودسی سوپای پاسدارانی ئێران پێش ئەم دیدارانەش چەندین جار سەردانی عێراقی کردووە و لەبارەی پێوەندییە دوو قۆڵییەکانەوە لەگەڵ بەرپرسانی ئەو وڵاتە ڕاگۆرینەوەی هەبووە.