به‌پێی هه‌واڵی کوردپرێس، عومه‌ر چه‌لیک له‌باره‌ی كۆبوونه‌وه‌ی ڕه‌جه‌ب ته‌ییب ئه‌ردۆغان سه‌ركۆماری توركیا و ده‌وڵه‌ت باخچه‌لی سه‌رۆكی گشتیی مه‌هه‌په گوتی: "سه‌ركۆمار له‌گه‌ڵ ده‌وڵه‌ت باخچه‌لی کۆبوونه‌وه‌یێکی گرنگ و ئه‌رێنییان له‌باره‌ی تازه‌كردنه‌وه‌ی ئیراده‌ی هاوپه‌یمانیی جمهووره‌وه ئه‌نجام دا و سه‌باره‌ت به به‌یه‌که‌وه کارکردن بۆ هه‌ڵبژاردنه خۆجێیییه‌کان تا ڕاده‌یێکی باش لێکتێگه‌یشتن هه‌یه".
ناوبراو له‌باره‌ی هاوپه‌یمانیی نێوان ئاکپارتی و مه‌هه‌په له هه‌ڵبژاردنی خۆجێییدا گوتیشی: "جێگرانی سه‌رۆكی گشتی كۆ ده‌بنه‌وه و ڕاپۆرتی خۆیان پێشكه‌ش ده‌كه‌ن و دواتر سه‌رۆكانی گشتییش كۆ ده‌بنه‌وه".
گوته‌بێژی ئاکپارتی ئاماژه‌ی به‌وه‌ش کرد: "له کۆبوونه‌وه‌ی ڕۆژی هه‌ینی که به سه‌رۆکایه‌تیی سه‌رکۆمار ئه‌نجام ده‌درێت کاندیدی ٤٠ شوێن ڕاده‌گه‌یه‌نین که له نێوانیان شاره‌کانی ئه‌نقه‌ره، ئه‌سته‌نبۆڵ و ئیزمیریش به‌دی ده‌کرێن".
سه‌رچاوه: ڕۆژنامه‌ی هابرتورک
کۆدی هه‌واڵنێر: 60103
Your Comment