په‌رله‌مانتاره‌كه‌ی به‌پێی هه‌واڵی کوردپرێس، كه‌مال یه‌ڵدا ئه‌ندامى خولی پێشووى په‌رله‌مانى كوردستان له فراكسیۆنى گردبوونه‌وه‌ی گه‌لی كلدانی سریانی ئاشووری بۆ ڕادیۆ نه‌وای دووپات كرده‌وه که لایه‌نه سیاسییه‌كانى پێكهاته‌ى مه‌سیحى یه‌کهه‌ڵوێستن و بۆ یه‌ک ئامانج هه‌وڵ ده‌ده‌ن ئه‌وه‌ش به‌شداری پێكردنیانه به شێوه‌یێكى كارا و ڕاسته‌قینه له پرۆسه‌ى سیاسى له هه‌رێم
ناوبراو گوتیشی: "پێكهاته‌ى مه‌سیحی به مافى خۆى ده‌زانێت پۆستى یه‌كێک له جێگره‌كانى سه‌رۆكى په‌رله‌مانیان پێبدرێت و به‌شدارییێكى كارا و ڕاسته‌قینه‌یان پێبكرێت له پرۆسه‌ی سیاسی و بڕیاره‌كاندا".
ئه‌و ئه‌ندامه‌ی فراكسیۆنى گردبوونه‌وه‌ی گه‌لی كلدانی سریانی ئاشووری له خولى پێشووى په‌رله‌مانى كوردستان ڕاشی‌گه‌یاند: "پێكهاته‌ى مه‌سیحی به شێوه‌ى هاووڵاتییانى دیكه‌ى هه‌رێم خه‌باتیان كردوووه و قوربانیان داوه بۆیه داوا ده‌كه‌ن په‌راوێز نه‌خرێن و ڕۆڵیان پێبدرێت له هه‌رێمى كوردستاندا و به به‌شداری پێكردنیشیان پێكه‌وه‌ژیان و یه‌كترقبووڵكردن ده‌چه‌سپێت له هه‌رێمدا."
هه‌ر له‌وباره‌شه‌وه ڕۆمیۆ هه‌كاری ئه‌ندامێکی دیکه‌ی په‌رله‌مانی كوردستان له پێكهاته‌ی كلدانی سریانی ئاشووری به SNNی گوت: لایه‌نه براوه‌كانی پێكهاته‌ی مه‌سیحی بۆ په‌رله‌مانی كوردستان به‌یه‌كه‌وه دانووستان له‌گه‌ڵ پارتی ده‌كه‌ن به مه‌به‌ستی به‌شداری كردنیان له كابینه‌ی نوێی حكوومه‌تی هه‌رێم و جگه له وه‌رگرتنی پۆستی وه‌زاری ده‌بێت له هه‌موو سه‌رۆكایه‌تییه‌كانی هه‌رێم نوێنه‌رمان هه‌بێت.
ناوبراو گوتیشی: له ڕۆژانی داهاتوودا گفتوگۆكانی پێكهێنانی كابینه‌ی نۆیه‌می حكومه‌تی هه‌رێم ده‌ست پێده‌کات و ئه‌وه‌ی په‌یوه‌سته به ئێمه‌وه بۆ ئه‌وه‌ی ئه‌مجاره كابینه‌ی حكوومه‌ت سه‌ركه‌وتوو و ڕێكوپێک و قبووڵكراو بێت و ده‌بێت گرنگییێكی زیاتر له جاران به پێكهاته‌كان بدرێت چ له ڕووی به‌شداری كردنیان و هه‌روه‌ها له جۆری ئه‌و وه‌زاره‌تانه‌ی كه خۆمان داوای ده‌كه‌ین، نه‌ک وه‌ک جاران بێت كه بۆ ڕازی كردنی حزبێک، وه‌زاره‌تێک یان دوو وه‌زاره‌تیان ده‌دات به پێكهاته‌كان.
ناوبراو وتیشی: "پێموایه ئه‌مجاره ده‌بێت حكوومه‌ت به شێوه‌یێكی تۆكمه‌تر له جاران پێكبهێنرێت و ناكرێت هه‌موو حزبه‌كان به‌شداری له كابینه‌ی حكوومه‌تدا بكه‌ن، ده‌كرێت هه‌ندێكیان به‌شدار بن و هه‌ندێكیشان ئۆپۆزسیۆن بن."
ڕۆمیۆ هه‌كاری سه‌باره‌ت به كۆبوونه‌وه‌یان له‌گه‌ڵ وه‌فدی ڕاسپێردراو بۆ پێكهێنانی حكوومه‌ت وتی: "وه‌كوو كۆتای مه‌سیحی سێ لیست سه‌ركه‌وتووین بۆ په‌رله‌مان، زۆر ئاسایییه ئه‌گه‌ر پێكه‌وه له‌گه‌ڵ لایه‌نی براوه كۆ ببینه‌وه و دانووستان بكه‌ین و له كاتی گفتوگۆكاندا باسی ئه‌و وه‌زاره‌تانه ده‌كه‌ین كه خوازیارین وه‌ریبگرین به‌ڵام جۆری ئه‌و وه‌زاره‌تانه گرنگه كه خزمه‌ت به خه‌ڵک ده‌كه‌ن وه‌ک وه‌زاره‌ته‌كانی (شاره‌وانی و گه‌شتوگوزار، ڕۆشنبیری، كشتوكاڵ و ئاودێری)."
کۆدی هه‌واڵنێر: 60103
Your Comment