کوردپرێس:
ماڵپەڕی حیزبی شین فینی ئیرلەند لە هەواڵێکدا لە زاری فرانسی مولوی نوێنەری ئەو حیزبە لە پەرلەمانی ئیرلەند نووسیویەتی ئەرکی سەرشانی دەوڵەتی تورکیایە داکۆکی لەسەر ڕێبازی ئاشتی لە تورکیا بکات و ئەو بابەتەش تەنها بە دوو بژاردە دەلوێت: یەەکەم ئازاد کردنی عەبدوڵڵا ئوجەلان سەرۆکی بەندکراوی پەکەکە و دووهەم دەستپێکردنەوەی پڕۆسەی ئاشتی لەگەڵ کورد.
ناوبراو بەشداریی کەمپێنی پشتگیری­کردنی کوردی تورکیای کردبوو کە لە پێتەختی ئیرلەند بەڕێوە چوو و لەو کەمپێنەدا زیادی کرد: تورکیا لەسەریەتی ڕێز لە مافی هەموو کەمینەکانی تورکیا بگرێت و کوردیش لەسەرووی هەموویانەوە.
ئەو نوێنەرەی حیزبی شین فین گوتیشی: میلیشیاکانی سەر بە تورکیا لە وڵاتی سووریا خەریکی جینۆسایدکردن و کۆمەڵکوژکردنی خەڵکی کوردن و ئەوەش لە کاتێکدا هێزی کوردی سووریا لە بەری باکووری ئەو وڵاتەوە و خەڵکی باکووری عێراق و سووریا بێ تاوان و بێ بەرگرین لە بەرانبەر هێرشەکانی داعشدا.
Your Comment