به‌پێی هه‌واڵی کوردپرێس، حافز به‌شاره به هه‌واڵده‌ریی مه‌علوومه‌ی ڕاگه‌یاندوووه: له ڕۆژانی ڕابردوودا نوێنه‌رانی په‌رله‌مانی عێراق هه‌وڵه‌کانیان بۆ ده‌رکردنی هێزه‌کانی ئه‌مریکا له خاکی ئه‌و وڵاته چڕ کردۆته‌وه چوونکه ئه‌مریکا بۆ مانه‌وه‌ی هێزه‌کانی له عێراق ده‌ستی داوه‌ته‌وه به‌هێزکردنه‌وه‌ی هێزه‌کانی له سنووره‌کانی عێراق و سووریا به‌تایبه‌ت له ناوچه‌کانی ده‌یره‌زوور و ئه‌بووکه‌مال به بیانووی به‌ره‌وڕووبوونه‌وه‌ی داعش.
ناوبراو گوتیشی: به‌غدا له ئه‌گه‌ری دژایه‌تیی ئه‌مریکا له‌گه‌ڵ کشانه‌وه‌ی هێزه‌کانی له خاکی عێراق ناتوانێت ڕێگری له ده‌رکردنی ئه‌و هێزانه له‌لایه‌ن هێزی به‌رخۆدانی عێراقه‌وه بکات چوونکه ڕێکخراوی نه‌ته‌وه یه‌کگرتوووه‌کان به ڕاشکاوی جه‌خت له‌سه‌ر به‌رخۆدان له به‌رانبه‌ر هێزی داگیرکاری هه‌ر وڵاتێک ده‌کاته‌وه.
کۆدی هه‌واڵنێر: 60103
Your Comment